|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
15-11-2007, 03:27 AM
|
#1 |
|
يوميات قديم في نيوزلندا الحلقة الاولى
يوميات قديم في نيوزلندا الحلقة الاولى
اهلين اخواني واخواتي المخنبقين منكم والمخنبقات <<على وزن الاحياء والاموات  كتبت هذه اليوميات وانا في نيوزلندا كتبت ما يلي  ارحب فيكم من مدينة اوكلند بنيوزلندا وأحب إني قبل ما أبداء معكم مسلسل المواقف في نيوزلندا أن انوه إلى انه قد أبالغ في بعض المواقف بس هذا لا يعني إنها ليست حقيقية لا يكثر ههههه  مع وصولي إلى نيوزلندا ( مبطي ما سافرت ولا ادري وش الدنيا فيه من الحال ) المهم وأنا في المطار شفت بنت صغيرة رحمتها مسكينة بنطلونها نازل شوي  المهم حبيت إني اقول لها لان شكلها ما تدري ( بغيت ارفعه بيدي  بس خفت يجيني كف حلاقة من حيث لا اعلم ) المهم قربت منها وقلت اكسكيوزمي وانا ماد برطمي شبر بكلمة اكس كيوزمي ( يعني لو سمحتي هههههههه لا يا شيخ نحسب معناها ارفعي البنطلون ) المهم الا واشوف الي قدامي نفس الحكاية والتفت يمنة ويسرى والقاء البنات كلهم منزلين البنطلون عرفت انها موضة العصر قلت في نفسي وش الحل الحين والله البلشة البنت تقول يس قلت لها هذي شنطتك واشر على شنطتي الي في يدي قالت : نووو ( يعني لا هههههههه ) ثم خذت مني الشنطة وراحة للجمارك وانا في ساقتها يعني اتبعها المهم واسمعها تكلم الموظف يوم خلصت اخذت الشنطة منه وقلت الشنطة هذي تبعي واذختها ومشيت ( في وسط حيرة البنت وذهولها تقول وش ها المهبووول ) المهم ما ابي اطول عليكم خصوصا انها الحلقة الاولى هههههههههه وصلت للبيت وانا كلي تحمس للتزلج ابي اتزلج لو في الثلاجة تعرفت على العجوز وعلى الشايب وعلى طالب صيني ( يمووووووت في الاكل ) اول مرة اشوف صيني دب طبعاً تعرفت على الصيني في المطبخ جالس يفغم يعني ياكل وفي نفس الوقت يغسل الصحون المهم انا خذتني الحمية قلت بسعادة والتفت علي بحركة الكراتية يعني اقلب وجهك  المهم قلت مالي ومال المشاكل ( خواف قدقد ) بعد ما هدى البعير قصدي الصيني رحت اتشكى على العجوز قالت لي كلام ما فهمتة بس تأشر بيديها وكنها تقول تزل انا شفت يديها تروح وتجي قلت يسسسسسسسسسسسس يسسسسسسسسسسسس يعني نعم المهم قالت يو لايك ( وبعدها كلمة ما فهمتها ) قلت يسسسسسس أي لايك توووومطش ( يعني افضلها بشكل رهيب – يقطع ام الترجمة يا شيخ ) المهم قالت فالو مي يعني اتبعني المهم وانا الي في ساقتها والله وتدخلني في مؤخرة البيت قلت في نفسي زين والله بانخذ العدة عشان نتزلج المهم واهي الا تدخل في غرفة صغيرة فيها عدة وانا الي اشوف عدة التزلج ومضارب التنس الارضي والقلوف ( نعنبوهم يا كثر هوايتهم مو مثلنا اذا سئلت الواحد قال هوايتي القراءة وركوب الخيل واهو ما قدر ركب له خروف ) المهم وطلعت لي مكنسة قلت وش فيها البنت يمكن ساحرة و بتركبني على المكنسة وبنروح للتزلج قالت لي قوووووود ذس قوووود ( يعني هذا زين ) هنا عاد خانتني لغتي ( لا يا شيخ ) قلت بالعربي بس عساك تعرفين تسوقينها قالت بردون قلت ايه ايه قووووووووووود عطتني المكنسة واشرت على الحديقة الي في البيت عرفت وش السالفة قصدها اكنس البيت  انا الحين توني اعرف وش كانت تقصد لما كانت تلوح بيدها جعلها الكسر قصدها تعرف تكنس وانا اقول ايه تو مطش ههههههه تدرون اني جلست ساعتين وانا توني جاي من سفر 21 ساعة جالس اكنس بسبب اني استحيت اقول لها ما فهمت عليك وجلست اكنس وبررررررررررررررد مووووووووت وفيني النوم وجاااااااااايع وكل هذا كوم والصيني الدب كوم يناظرني و يأكل ( جعله الأكلة ) ويضحك علي انتهت الحلقة الاولى ( ما ودي اطول عليكم واغثكم عشان كذا بخليها حلقات قصيرة ) |
|
    
|
|
15-11-2007, 03:56 AM
|
#2 | ||||||||||||
 
 |
رد: يوميات قديم في نيوزلندا الحلقة الاولى
ياحبيلك .. وياحبيل شارع الـ Queen وياحبيل الـ ميترو  اما سالفة الكنس خخخخخ لو اني منك مصعت اذانه هالصيني وقلت تعال عساك للي منب قايل !  سؤال .. وين انت كنت ساكن بووه  ؟ |
||||||||||||
|
|
|
||||||||||||
|
15-11-2007, 05:01 AM
|
#3 |
|
|
رد: يوميات قديم في نيوزلندا الحلقة الاولى
هههههههههههههههه قد قلت لك انت من اي دفعة ههههههههه
انا في شارع براد ويي الين نهايته الداون تاون يقولون مثل شارع التحلية هنا ههههههههههههههه اصبر خل الاجزاء الجاية تجي شكلك بتحجز على طول هههههههههههه يسملو لموروك المنتظر |
|
|
|
|
15-11-2007, 05:03 AM
|
#4 |
 
|
رد: يوميات قديم في نيوزلندا الحلقة الاولى
|
| وعليكم السلاموو : : الله يرجك رجا مبرحاااا ليش تقوول yes  على اي شي,,!!كان هزيت راسك زي الهنوود اذا ما عرفوو شي.,  يلا,,نراااك في الحلقة القادمة من مغامرااات قدقد |
|
|
|
|
15-11-2007, 06:07 AM
|
#5 | |||||||||||||||
|
|
رد: يوميات قديم في نيوزلندا الحلقة الاولى
يسملو على مرورك ومن ناحية هز الراس ما ضيعني الا هز الراس ما ودي احرق الحلقة الجاية ههههههههههه<<اكبر كذاب ههههههه |
|||||||||||||||
|
|
|
|||||||||||||||
|
15-11-2007, 01:02 PM
|
#6 | ||||||||||||
|
|
رد: يوميات قديم في نيوزلندا الحلقة الاولى
وين بـ أي معهد درست يبو ؟ |
||||||||||||
|
|
|
||||||||||||
|
15-11-2007, 04:29 PM
|
#7 | ||||||||||||
 
|
رد: يوميات قديم في نيوزلندا الحلقة الاولى
 هههههههههههههههههههههه ههههههههههههههههههه ههههههههههههههههههههه الله يرجك على ها الحلقات  بس رهيبه الصراحه واهم شي سالفه البناطيل كان صورت  بس اسمع نبي الحلقات الجايه زي ذي مهب تبدأ تخرب <<< طراه انه مسلسل اول جزء رهيب همن يخنبقون
اجل تقول وش ها المهبول طيب شلون هي تعرف تفكر عربي وانت تكلمها انقليزي <<< هذا من وين انك جايبه ؟؟؟  |
||||||||||||
|
|
|
||||||||||||
|
15-11-2007, 04:39 PM
|
#8 | |||||||||||||||
|
|
رد: يوميات قديم في نيوزلندا الحلقة الاولى
من ناحية الاجزءا في رايي المتواضع ههه هذا ابيخ جزء الاكشن بيجي في الحلاقات الجاية عشان كذا حطيت له دعاية في التوقيع ههههه بس الباقي ما يحتاج هههههه<<مادح نفسة مغبر ههههههه من ناحية تفكيرها لما قالت وش ها المهبول انا اقول لك واهي تفكر ناظرت فيها شفت فوق راسها ترجمه ههههههههههه |
|||||||||||||||
|
|
|
|||||||||||||||
|
15-11-2007, 06:17 PM
|
#9 |
 
|
رد: يوميات قديم في نيوزلندا الحلقة الاولى
 كركركركركرككركركركركركرااااااااااك<<<ماطور مزرعه مو ضحكهياشين السرج عالبقر  (اللي مافهم المثل يراجع جدتي)اجل بتقول لها ارفعي البنطلون هع هع  ذكرتني بخالتي يوم تشوف بنت لابسه بدي قصير قالت لها بطنتس ظاهر(تحسبها ماتدري)!! وانت مسوي اخلاق عند هالعجيز كان قلت مابي ورجعت لديرتك<<من الغيره  فشلتنا صرت فراش حوشة الاجنبى وانت حوشكم ماقد كنسته ننتظر الحلقة الثانية الساعه كم اخاف تفوتني  |
|
|
|
|
15-11-2007, 07:40 PM
|
#10 | ||||||||||||||||||||||||||||||
|
|
رد: يوميات قديم في نيوزلندا الحلقة الاولى
عليك ضحكة وين ستار اكدمي عنك <<وش دخل ستار اكدمي مدري انا دخلت قوقل وطلع معنى السرج على بقرة اذا حجت العنز على الشجرة <<يرحم امك لا تكمل اما خالتك هذث توووووووووووووووووحفه مثلي على نياتنا ههه من ناحية فشلتك لا والله رفعت روسكم غطيت على الهنود الي هنا كلهم تصدقين اني صرت اكنس وانا مطلق ( يعني رافع يدي فوق والمكنسة تكنس ) لا تخافين من ناحية الحلقة ما راح تفوتك لانها تجي الساعة 9ونص على الام بي سي 3 بتوقعيت الخرج وعلى المقيمين خارجها مراعات فارق التوقيت وفيه اعادة من بكرة الخميس الساعة 2 ظهرا على قناة المجد هههههههههههه شاكر لك مروروك الي احس انه غطى على الموضوع والله ههههههههه |
||||||||||||||||||||||||||||||
|
|
|
||||||||||||||||||||||||||||||
|
15-11-2007, 07:50 PM
|
#11 |
|
|
رد: يوميات قديم في نيوزلندا الحلقة الاولى
<<<<لسانها يحكها تبي ترد بس ممنوع الشتشته
|
|
|
|
|
15-11-2007, 08:21 PM
|
#12 |
|
|
رد: يوميات قديم في نيوزلندا الحلقة الاولى
ههههههههههههه خذي راحتك شتشتي على كيف كيفك <<عرض خاص ههههههه
|
|
|
|
|
15-11-2007, 08:35 PM
|
#13 |
|
|
رد: يوميات قديم في نيوزلندا الحلقة الاولى
قديم قديم قديم<<<متحمسة
بدل الشتشته نزل الحلقة الثانية يله الساعة 9 ونص بتوقيت بيتنا(فيس يلف ساعته على تسع ونص) |
|
|
